Job 27:13-23

Empeera y’abakozi b’ebibi

13 ^a“Eno y’empeera Katonda gy’awa abakozi b’ebibi,
omugabo omuntu omujoozi gw’afuna okuva eri oyo Ayinzabyonna:
14 ^bAbaana be ne bwe baba bangi batya, enkomerero yaabwe kitala;
ezzadde lye teririfuna byakulya bibamala.
15 ^cAbo abaliwona kawumpuli, balifa ne baziikibwa,
ne bannamwandu baabwe tebalibakaabira.
16 ^dWadde ng’atereka effeeza ng’enfuufu,
n’engoye ng’entuumo y’ebbumba,
17 ^eebyo bye yeeterekera omutuukirivu y’alibyambala,
era abo abatalina musango be baligabana effeeza ye.
18 ^fEnnyumba gy’azimba eribeera ng’ey’ekiwojjolo;
ng’akasiisira akazimbiddwa omukuumi.
19 ^gAgenda okwebaka nga mugagga, naye ekyo tekiddemu kubaawo,
kubanga alizuukuka nga byonna biweddewo.
20 ^hEntiisa erimuzingako ng’amataba;
kibuyaga amutwala ekiro mu kyama.
21 ⁱEmbuyaga ey’ebuvanjuba emutwalira ddala n’agenda;
emuggya mu kifo kye n’amaanyi.
22 ^jEmukuba awatali kusaasira,
ng’adduka ave mu maanyi gaayo.
23 ^kErimukubira engalo zaayo,
n’emusiiya okuva mu kifo kye.”